Pasar
Malam Perayaan Sekaten Jogja 2013
Pasar
Malam Perayaan Sekaten (PMPS) kutha Ngayogyakarta wonten ing taun 2013 punika,
resmi sampun kabikak tanggal 6 Desember 2013. PMPS punika nggatosaken konsep
hiburan rakyat, kanthi ngempalaken ekonomi rakyat nyawiji kaliyan ruang
rekreasi. Maneka warna dedolanan kaliyan cemloroting lampu wonten ing wayah
ndalu, saged ndadosaken latar ingkang rame. Namung sakedhik papan panggenan ingkang
kosong wonten ing alun-alun ler Keraton Yogyakarta minangka pasar malam punika
katindakaken.
Atusan kavling ingkang dipunsediakaken wonten
maneka ukuran dipunagem kangge sadean. Lajeng wonten papan ingkang wiyar wahana
permainan kadosta biang lala, kemudi putar, tong setan, bom bom car, balon air lan
sapanunggalanipun. Boten wontenipun zona antawisipun ingkang sadean kaliyan
wahana permainan ndadosaken latar pasar malam punika langkung meriah. Wonten kathah barang
ingkang dipunsade dening para bakul wonten ing Pasar Malam Perayaan
Sekaten punika.
Nalika mlebet wonten gerbang sekaten,
para bakul dhaharan tradisional sami lenggah jejer kaliyan sadeanipun piyambak-piyambak.
Kerak
telor khas Betawi kathah wonten ing papan mriki. Wonten ugi, bakul sate koyor ingkang
boten mandeg, anggenipun bakar sate, saengga aroma saking garangan sate saged
kabur kenging angin. Mlebet papan ingkang radi njawi, wonten kathah sadean
unjukan, bakso tusuk, kacang godhog, jagung godhog, es goreng lan
sapanunggalanipun.
PMPS
Yogyakarta badhe dipunleksanakaken watara 40 dinten. Boten dipunpungut tiket
mlebet. PMPS punika salah
satunggaling tradishi saking Yogyakarta
ingkang istimewa.
Tidak ada komentar:
Posting Komentar